العنقاء
أسئلة
من يلبس ف جحيم الجمر
كوت!
ومن يتغطى بثلج ف عز الشتا!
أنا...كنت أحسبك لي حياه
وكنت موت
مر عمري...وأنا اردد
ذاك الوعد ...يا عمري..متى!
ل متى..أدور ف يباس العمر
توت
وأمد يدي..و أتحسس الأحلام
وهي م ي ت ه !
شاب العمر ..فيني ..
وعمر من الكربة بيوت...
وأنا ف أول سنين عمري
وبدايته.....
![]()
من يدور ملح...
و ف داخله ...حزمه جروح
ومن يتحدى ..الريح
وسلاحه رمل...؟
ومن على الأمواج..
يبنى من أحلامه صروح
ويفتخر ...انه صنع هذا العمل
بكره تجي الأمواج
وتمسح أحلامه وتروح
ويبقى هو ...وريشة الأحلام
تذبل ف وجل....!
من ..يسير سفينه...ف صحرا الضما
ومن ...يبنى بيوت الثلج
ف ..حر الشموس!
ما تشوف العين
لو صاب قلبك ف لحظه عمى
ولا ..تنشرى ..هالسعاده..
بكنوز وفلوس
ولا تبقى أحلام ..
مكتوبه بسحاب ف قلب السما
ولا يثمر خير
خالطه شر النفوس.....
كيف يبرى الجرح ..
والسم ف طرف الابر!
وكيف ...يدعى ..منافق
وفي قلبه كفر!
و كيف أوثق ف ناس ...فرشوا لي على دربي جمر...!
وما بقالي ..إلا أعيش ..ف الأحلام ..
أدور..دنيا ..ما ملتها
خيانات البشر...
رحمتك ربي
"ما اعدل الأحلام ...ما تفرق
بين اللي نايم عالحراير ..
واللي نايم ع الصخر"
العنقاء
ما يخون العمر ملحك..!
(1)
طرزنا على مناديل السما
حفنه حروف
أخاف
بكره
السما تمطر
وتمحي
كل ما قلنا .....!
ما يخون العمر
ملحك
لو تصير الفرقا
رمح
ولو تتقطع شرايين
الأماني...بالطعون..
حتى ..هذا الجرح..
وهو جرح ...
يحلف انه لجل عينك
ما يخون ...!
كان الوفا ملح
والرصيف
اللي جمعنا ..
باقي ينتظرنا
مثل أول
نفترش
صدره حلم ...
ونتوسد ..ضفته
أحلام
ونغمض عيون ...
بكره..
ونختم بالشمع الأحمر
غلاف فراقنا
ونجفف الأقلام ....!
أمانه....لو ما جيت..
ع الموعد ... مثل أول ..
وشفت الحظ
بعد الوفا خاين
لا تهجري بعدى الأماكن
والدروب
اللي عشقناها سوى...
و كانت لجمعتنا عيون
يمكن ...كان حظنا خاين ..
بس إحنا
تعلمنا
نموت ولا نخون ...!
بلغي مني السلام
لبقعه الضوء الوحيدة
في الوجود
من وين
ما تعشينا الكلام
وشرب موج البحر
شقاوة عطشنا
وطرزنا
على مناديل السما
تفاصيل الغمام
تذكري ..
ذاك الزمان؟
تذكري....ذاك الرصيف؟
والوجوه الممطره..تعب الشتا
ووجه شاحب بالسما..
لو ينام
الكل ...ما عمره ينام !
تناظرنا
وكل ..هذيك النوارس
تعتقد إنا نوارس..
بس تنكرنا ..
لجل ..
ما ننكشف ..
وتضحك من شقاوتنا
السما
ونسجل ..حضورنا ..
على
ملح الشوارع
والرصيف...!
العنقاء
نشرت في جريدة فتون
أكيد في لحظه بوافق
فقط للعلم :
أكيد في لحظه بوافق
لو تقول
تعالي نرسم
ع السما
باقة زنابق!
إلي أنا :
· امسحي عنك الغبار
طيري فوق ..
اجمعي رزمة غيوم-
رتبيها تحت راسك
احلمي انك أميره
ف الرسوم-
وإلا سنفوره شقيه
تشاكس شرشبيل
يدلعها السنافر
كل يوم-
تعاند فراشات الحكاية
كوخها مغطي
بالسكاكر والحراير والجواهر
والنجوم-
· انزعي كل الشظايا من أعماق روحك-
ادفني ف قبر "كان" كل جروحك-
اخنقي أحزان قلبك لو تبوحك-
انزعي ذاك اللجام
دوري مفتاح قيدك
ذوبي قضبان سجنك
عن طموحك-
أمطري خير وأماني
عطري
كل الدقايق بالبنفسج
و الأغاني
ازرعي زهر التفاؤل في سفوحك
العنقاء
نشرت في جريدة فتون
الفصل الاخير
الليلة ظلام ما هو عادي
والسما فيها شحوب
والبرد ينخر هالعظام
والجو...للآخر رمادي
وأعصابي ...حطام
وبينه وبيني
ابتدأ آخر حوار...
كانت الساعة سنين
والثواني ...مثل
إحساسي تعاني
هدها كثر الحنين
وشبه صوت,
من بعيد...
مدري
ضحكه صفرا أو أنين؟؟
سألني باختصار : انتهينا ؟
كل كلمة مثل خنجر
وكل غصة ...ألف رمح
ألف طعنه ...ألف آه...
سألنى : "ذا آخر قرار؟"
سألته : الخيانة ..إلا الشقا
مالها أبدا ثمار
أحمدك ربي
كانت الظلمة ستار
و لا لمح همي ودمعي ..
ولا لمح..حمر العروق
ولا لمح ذاك الخضار ..
ولا لمح هذا اليباس ..
ولا لمح خضر الغصون
لما يكسوها الصفار ..
آخر النزف :
![]()
هذي أنا
والعيش والملح
والعالم ..والعصافير
وجنوني
وبقايا من بقايا جرح
نعلن بدايات الضياع
يا صاحبي
هالدنيا لمثلي
ما فيها اتساع
العنقاء
الي اكسجيني
وتبقى وحدك ف سديم
البحر نور..
وتبقى...وحدك ف حياتي
اكسجيني ..
ملح عمري ..
لو تبعد شهور...
وتبقى..وحدك ..
أسطورة هوى ..
ف حياتي ...أصبح دمها مهدور
وأبيك أنت....
وأعرف إنك مستحيل كثير ...
وان بيننا جدران ..
اقسي كثير م التعبير..
وبيننا ..جرحين..وصمت ...ونار..
وأبيك بصمت..
ويهجرني الدفا والنوم
كن بينى وبين الليل
حزن وثار..
وأتعذب إذا
نادوك جدامي...
أخفى ربكتى...
وامثل دور نسيانك ..
وأنا ف داخلى ينهار ...
وأغير الموضوع..
وابكي بصمت...لجل ما يلوموني
وعشان أنسى
ادفنك فيني ...
مثل الكنز والذكرى....
ومثل العار
و عصفوري اللي
ربيته
وفضلته على روحي
و خان احلامي
تركني ...وطار ....
حبيي يا براعم ياسمين
يا دوا عيني أنا..
يا هوا ..أتنفسه..
يا بعد عمر الحنين
لو تفارقنا سنه..
ولو
أنسجن ف كبريائي
وتظل انته ف جحودك
كالسجين..
بظل احبك..
غصب عن انف المواجع..
لين تنطفي مني الحياة
وتنتهي كل السنين..
العنقاء
نشرت في جريدة فتون
نشرت في جريدة فتون
انسحاب
يوم جيت تودعنى وتروح
ماسألتك
عن تفاصيل الغياب
قلت حاضر
أنت تآمر
وقلت: عادي يا حبيبي
كل شئ قسمه ونصيب
قلت: عادي
وابتسمت
و داخلى كلي... يموت
وأنهر الأضلاع ..
وآمرها.... سكوت
وقلت : عادي
يا حبيبي
كل شئ قسمة ونصيب
![]()
ما سألتك
كنت اقوى من... خضوعي
من دموعي
من تفاصيل العذاب..
ما سألتك
ليش طيبي
جازيته بعقاب
وشهو يعني
قتلت أحلامي ورحت
وشهو يعني
تنكرت وجرحت
وشهو يعني
لا وفيت ولا حسبت
لدموعي حساب ..
وقلت : عادي يا حبيبي
كل شئ قسمة ونصيب
لو تختفي عادي حبيبي
كل شئ قسمه ونصيب
وكل قصه حب
نهايتها
التراب
العنقاء
نشرت في جريدة فتون
..
لو رجع ..يا الأماكن
خبريه ...!
وأرجع إلى
نفس المكان
وأساله.. يا ترى
ما مر من بعدي هنا؟
ما سأل عني ....وراح ؟
ما سأل عني ..الأماكن ...
والنوارس..
والكواكب....والرياح ؟
ما حاول
ياخذ عنواني الجديد
ما كان مكسور مثلي
ومليان بجراح؟؟
يا ترى
ما رجع لحظه ..يسأل
وش تغير في
"قصة" شعرها؟
عطرها نفس العطر
وإلا..
بدلت بعدي عطرها ..؟
بعدها ..حبيبتي
تنام بدري ..وإلا النوم
ف بعدي هجرها ؟؟
لو رجع ..
يا الأماكن خبريه
إني ... أنا...
صرت غير..كثير ..عني ...
شعري
قصيته كثير..
بعد ما خاب فيه
إحساسي و ظني
ملفاتي القديمة ..
صارت تشتكي
متراكمه فيها الحروف ..
تحترق أطرافها ..
وأنا أطالعها وأشوف ...
أشبه قاتله ..تهوى التجني
انته بس..ما تغير...
.ف قلبي مكانك ...
وجرحك الغافي
بضلوعي ..
وصل لين النخاع ...وبعثر
الإحساس مني !
العنقاء
نشرت في جريدة فتون الاسبوعية
العمانية
الاشتراك في:
الرسائل (Atom)
بين الأرواح
-
صباحك نكهة الماضي ! لوحات صباحية بريشة : العنقاء صباح الخير والرحمة صباحك دنيا من الأشواق مزدحمة صباح الشاهي و الزعتر صباحك نكهة المرم... -
ما كنك نسيت قبل لا تروح تنهيني! ماكنك نسيت قبل لا تروح تنهيني وتمحيني من الدنيا وتكتبني فعل ماضي؟؟ ما كنك نسيت تخبرني قبل لا تروح وش أسو... -
وش أجاوب قلب أمي ....! وش أجاوب قلب أمي ..لو سألني ليش متغير هالفتره لوني ؟ ليش ...صرت ...غارقة ف وحدتي ... وليش وسط سوالفهم ..بالجسد بس... -
ومر العمر وتجعد وجه الانتظار وصارت شرايينه تعب وصار نومه بالغصب وعكازه ذكريات وما بقى غير الصبر ! واحتضر نبض الصباح وصار الليل ليل أكثر... -
أحلام صغيرة كبيرة جدا احلم إني أنا وياك نجمتين صغار لنا نفس ألوان الشعاع ونفس التناهيد الصغيرة لنا نفس الهموم لنا نفس المساحة في السم... -
أسئلة بعد الفراق شهرين ونكمل سنه على ذكرى الفراق من سكن بعدي ضلوعك ؟ من مسح ..عنك دموعك؟ من كتب لك ..على حزن الغيوم? من ..جمع لك ..من الظ... -
رجعت ..الحين للأسف..يا صاحبي فات الأوان.. أبشرك قلبي كبر ... وصار متمرد على الأحزان المعذرة ... طويت ...صفحتك ... و ...حرقتها .. ما عا... -
ما ضاقت الدنيا بدونك! - دنياي- اللي كان محورها عيونك ... تطمن .. بعد فرقاك ... ما ضاقت بدونك ..! تطمن..... ما ضاقت الدنيا بدونك ولا... -
خذني إلى باريس ! *كتبت في الطريق إلى مسقط 21-7-2010 *خذني إلى باريس عشان أوقف..على قمة برج ايفل وبعمق الروح اصرخ...وعلى الواقع المغرور بتم... -
بين الوعي والا وعي حسيت ...سكينك هنا تنحفر في أضلعي وتداعيت من طولي أنا واصرخ يا معين غير ربي من معي ؟؟ وبين الوعي والا وعي ... ترجي...
.
