العنقاء
صباحك عطر باريسي
صباحك عطر يا ناسي
يا احساسي
ماهمني العالم إذا انته بس للأبد عندي
![]()
وأشارك وسط الصف
..وأشوف الخرايط كلها وجهك
وتنهرني الاستاذه
وأوقف وانا ارجف
وأطالع على وجوه الكل
كأن الدنيا كلها ضدي
وأنسى إجاباتي
وأتلعثم
واتفشل
والخجل عندي وصل حدي
![]()
أروح البيت أشوف رسوم
واتصور كل ابطالها انته
لا تضحك ...افكاري صغيره على قدي
واتمنى لو انني جودي
وانك ظل
ارسم له وجهه
على كتبي
واطالع صورتك دايم
امثل اني اذاكر
واني باذلة جهدي
واذا حصل مره وتشاجرنا
ارسلك رسايل اصدمك فيها
واقول اكرهك بالحيل
واني من فرحتي بلقياك
مااصحى ابد بالليل
واني أكرهك
واكذب
بس
حبل الكذب قصير"ن" عمره ما يجدي
![]()
وإذا جلست المغرب في جلستهم
أعاند خالتي وجدي
أتصورك جالس في جلستنا
لابس كمة لونها اخضر
وإذا طالعت بعيوني
خدودي يتحول لونها وردي
واركض أسابق أنفاسي
على مخده بلون الورد
أحط راسي
وأنام الليل ...أتصورك
فارس أحلامي
يربت قبل نومي على خدي
واذا امرض يهديني
ورد ....دبدوب ...ياعود كمبودي
مدهون "ن" على يدي
العنقاء
نشرت في جريدة فتون
كنت للوهم اكتب!
شهور طوال
وأنا للوهم اكتب
صنعت منك للوفا
تمثال
صورتك شئ كبير
ما يشبهك رجال
وأنت
مع الأسف كذبه
وأنا كنت للوهم اكتب !
شهور طوال
والأمل باقي بانتظارك ...ما ينام
ولو غفي لحظه شوي ...أبعثر عليه الذكريات
وانثرها غمام
واصحي في الدفاتر ...حلمها الغافي
وأنثرك حفنة حروف
وأبعثر
ذكرياتي
وأمنياتي
وكل خيبه في بعدك
وخوف
ولو ثارت في قلبي مواجع
أطبطب عليها
و أطمنها :
حبيبي بكره من غربته راجع
وأنت كنت مع الأسف كذبه
وأنا كنت للوهم اكتب !
شهور طوال...
و أقول ...أكيد..بيعترف باكر
واخبي الورد في الأوراق
واحبك غايب وحاضر
وانتظر ..لحظه صدق منك ..
لي قلب يا بو محمد..
عاش طول العمر صابر ..
أخاف بكره ...أمّل الصبر
واليأس يوصل للشريان
وبدال الدم ...قلبي
يضخ ...للعقل ...نسيان
العنقاء
نشرت في جريدة فتون
هذيك تشبهني كثير !
تطالعني "أنا"
ف المرايا..حايره
شبه طيف ومنكسر
في عيوني
شئ تايه ينتظر
وع الشفايف
حلم واقف
و طيف ..يطالعني
ويصرخ ..ف المرايا
شبه اسف
هذي يمكن تشبهك
بس روحك
ما فيها ملامح
شئ فيكي
غير واضح !
أطالع ف المرايا
يمكن الاقيني "أنا"
تقريبا ..نفس ألوان الثياب
بس
شعري صار أقصر
قصيته كثير
وأحسه انه يناظرني بعتاب
ولون الروج ..صار باهت
واقرب لألوان الغياب
هذي أنا أسجل
ف دفتر "الظلما حضور"
وباقي النور
يكتبني غياب !
أدور فالمرايا
يمكن الاقيني أنا
تطالعني
هالات السواد..
ووجه ناحل ..
شبه ذابل..
مليان بسهاد
هذيك في المرايا
تشبهني أنا
بس روحي تايهه
تدور
ف الظلما بلاد!
العنقاء
نشرت في جريدة فتون الاسبوعية
وش الصرفة
وش الصرفة لو خانتك
كل الظنون
وما بقى قلب حنون
واكتشفت أن الصبر مثل غرفه
مليانه...أشواك وطعون
ولا فيها ولا شباك
واحد
وبابها تحت الحزن مدفون ؟
وش الصرفة ...
لو اكتشفت
إن الدنيا حولك مثل طرفة
فيها خير وفيها شر
وفيها كل أنواع المجون
فيها من يوفي إلى حد النخاع
وفيها من متعود
حتى آخر أنفاسه يخون!
وش الصرفة
لو اكتشفت إن
ف الدنيا كل واحد يعتقد
إن أصعب الحالات ظرفه
وانه أكثر من يعاني
وأكثر من خانته ف الدنيا الأماني
ونسى انه مهما طالت
أيام العذاب
ما مهم
كلنا ف الدنيا فاني !
وش الصرفة
إذا صار البعض يظن
إن جرح الغير فن
والبعض صار يشوفه مثل حرفه
ونسى إن الحياة الآخرة أعظم
وأعمق
من كل هالعالم وسخفه!
آخر النزف :
كل أشيائي بدونك
بين أبيض وبين أسود
صابها حمى الشحوب
فيها خوف ..فيها ضيق
فيها أوهام وتردد..
باردة حد التجمد ..
فيها كل أحزان الغروب
إما تجي ...و رصاصة الرحمة
على قلبي تسدد
وإلا تبتعد..
وأغصب هذا القلب
عن حبك يتوب !
العنقاء
نشرت في جريدة فتون
لنفسي ...عتاب !
من يبيعك
ما يرده ..شئ
لو فتح للفرقا باب !
"لكل أجل ..
في الدنيا كتاب"
وكان لازم ينتهي ..حبي الكبير ...
ويندفن ..و أنا
أتابعه ..
من بدايات الجنون
إلي ..نهايات العذاب ..
وكان ...لازم ..
أوقع ..على نهاية ..
قصتي ..واختصر ..منها
المفيد ..
من يبيعك
ما يرده أي شئ
لو فتح للفرقا باب ...
ضيعت عمري..
ف ..التمني ..والتوهم
وفي ...مطاردة السراب
وانتظرتك.. ..
ع الدرايش...مثل ..طفلة
تتهجي...أبجديات
القوافل ...
وترسم ..حلمها على
قلب السحاب
وضاع عمري
بين ..صبري
وبين ...صبري ..
وبين صبري
وبين
أكوام العتاب .. ..
وضيعت عمري..ف عد الثواني..
والتراجع ...والأسف ..
والتمادي ..في ...مطاردة السراب
وكنت اغبي
من سكن ف الدنيا كلها
واغبي
من وطا "خد التراب "
العنقاء
نشرت في جريدة فتون
الاشتراك في:
الرسائل (Atom)
بين الأرواح
-
صباحك نكهة الماضي ! لوحات صباحية بريشة : العنقاء صباح الخير والرحمة صباحك دنيا من الأشواق مزدحمة صباح الشاهي و الزعتر صباحك نكهة المرم... -
ما كنك نسيت قبل لا تروح تنهيني! ماكنك نسيت قبل لا تروح تنهيني وتمحيني من الدنيا وتكتبني فعل ماضي؟؟ ما كنك نسيت تخبرني قبل لا تروح وش أسو... -
وش أجاوب قلب أمي ....! وش أجاوب قلب أمي ..لو سألني ليش متغير هالفتره لوني ؟ ليش ...صرت ...غارقة ف وحدتي ... وليش وسط سوالفهم ..بالجسد بس... -
ومر العمر وتجعد وجه الانتظار وصارت شرايينه تعب وصار نومه بالغصب وعكازه ذكريات وما بقى غير الصبر ! واحتضر نبض الصباح وصار الليل ليل أكثر... -
أحلام صغيرة كبيرة جدا احلم إني أنا وياك نجمتين صغار لنا نفس ألوان الشعاع ونفس التناهيد الصغيرة لنا نفس الهموم لنا نفس المساحة في السم... -
أسئلة بعد الفراق شهرين ونكمل سنه على ذكرى الفراق من سكن بعدي ضلوعك ؟ من مسح ..عنك دموعك؟ من كتب لك ..على حزن الغيوم? من ..جمع لك ..من الظ... -
رجعت ..الحين للأسف..يا صاحبي فات الأوان.. أبشرك قلبي كبر ... وصار متمرد على الأحزان المعذرة ... طويت ...صفحتك ... و ...حرقتها .. ما عا... -
ما ضاقت الدنيا بدونك! - دنياي- اللي كان محورها عيونك ... تطمن .. بعد فرقاك ... ما ضاقت بدونك ..! تطمن..... ما ضاقت الدنيا بدونك ولا... -
خذني إلى باريس ! *كتبت في الطريق إلى مسقط 21-7-2010 *خذني إلى باريس عشان أوقف..على قمة برج ايفل وبعمق الروح اصرخ...وعلى الواقع المغرور بتم... -
بين الوعي والا وعي حسيت ...سكينك هنا تنحفر في أضلعي وتداعيت من طولي أنا واصرخ يا معين غير ربي من معي ؟؟ وبين الوعي والا وعي ... ترجي...
.
