العنقاء
ومر العـــــــــــــــــــــــيد من دونك!
![]()
- مر العيد
وأكيد انك
لبست ثيابك البيضا
و أكيد انك لبست مصر
لونه جديد
وأكيد انك ...تعطرت العطر إياه
ومشيت رايح المسجد
وامتلأ ذاك الدرب
من عطرك من أقصاه الين أقصاه!
- ومر العيد
وأشوف الدنيا مسوده
وأحس كأن
البرد زاد شوي عن حده
هذا العيد ...لبسني الهم من دونك
وخيط من دمعتي أثواب
ولما ضيعتك ....
صرت أدور عن دفا لبردي
مثل غابة ضيعت في قلبها
قلب حطاب!
- ومر العيد
وفي قلبي بقى هذا السؤال
وش أسوي
لو رحت وصارت بيننا أميال
وش أسوى لو فقدتك ...
صرت أدور عنك في الزوايا
وصرت كني عصفوره مزارع
تدور في المدينة عن ظلال!
آخر النزف :
![]()
لو سمعت إني صرت اسهر طول ليلي
اعدد الخرفان
إلى نور الصباح
واني ما صرت اهتم
ولو غدا سري مباح
و إني تساوت في عيوني
كل أنواع الجراح
عادي جدا...
تتوقع ..أي عيد
ممكن أعيشه
واللي أحبه
ترك قلبي وراح .....!
العنقاء
نشرت في جريدة فتون
لــــــــــــــــــــــــــــــــــــــــــو ...!
هذيان : العنقاء
ولو ضيعت عنواني
وشارعنا
تغير
وبدا قلبي بعد هجرك
ف الظلمات يبصر
ولو شفتني بكره صدفه
وشفت إني
صرت م الهوى اعقل واكبر
لا يغرك هالصمود..
ولا يغرك هالكلام
صدقني
تحت رمادي والعظام
جمر صاحي ما ينام !
ولو شفتني اضحك كثير..
جالسه نفس المكان ...
اشرب حسرتي
واخفي ف ظلال الصمت
عن عيونك حيرتي
وأمثل إني ما أشوفك-
وأتجاهل ..نبض قلبي
ورعشة الشوق
بكفوفك-
وأتجاهل ف عيونك
نبض شوقك والسلام
لا يغرك هالتجاهل
صرت ف التمثيل ..نجمه
قويه ..ظاهريا
بس ف صدري
ترى زفه حمام !
ولو سمعت إني ما أنام
بدري مثل أول
ولا صرت احلم مثل أحلام الصغار
ولا أغار
ولا ادفن نفسي في رواياتي القديمة
واعشق فيها
حتى أنفاس الغبار
لا يدهشك ..هذا التغير
الحكاية كلها ...
إحساسي ف بعدك أصبح دمار
اللي تشوفه ظاهريا ...مشهد من حكاية
امثل فيها إني اقوي من عيونك..
واني في بعدك تمام
تأكد إني ما بخير ولا تمام
و تأكد إن من تحت رمادي والعظام
جمر صاحي ما ينام !
لو سمعت إني ما صرت
مثل أول
"أشخبط" ع الجدار
ولا أخربش ..بعض شعري
ع الهوامش
تأكد إن قلبي يمثل
دور عايش
دور طايش
وداخلي كلي انكسار
لا يغرك ..هالجنون
وصّدق لو أقول
إني أشبه بالحطام..
وتأكد إن من تحت رمادي والعظام
جمر صاحي ما ينام !
ولو سمعت ..إني ما صرت
امشي مثل أول ف الغروب
ولا صرت ..أزرع الأحلام
في قلب السحايب ..
وأراقبها تذوب
لا تفكر وش تغّير
باختصار
أنا هي ..أنا
بس
صرت أجامل واقعي
أحاول أنسى..ذكرياتك..
وداخلي كلي انتظار
صرت ..
أغرق إلى حد الغرق
أضوى ف الظلما شموع
وأنتظر متى وقت الرجوع
وأريح حيرتي على كتف الأرق
خبرني بأمانه : كيف لحظه نفترق !
نشرت في جريدة فتون الاسبوعية
تجي نحلم ببكره غير !
تجي نحلم ببكره غير
بلا أحزان عالفاضي
بدنيا ما ملاها الخوف
والتفكير..
تجي نحلم ..بدنيا ما ملاها البرد..
بدنيا ..فيها
الوفا ..أروع من الأزهار
والنوير ....
- تجي...
نحلم ببكره غير
مليان ...
ب- كعك وردي
وهمس وخير
و فقاقيع ملونه..
وسكر ....م الدفا .. ذايب ...
وحب كثير
- تجي
تحت المطر نلعب
نجي... ونروح
نجي ونروح
نرسم قبل لا يجف ..الطين
حرفين وقلب مجروح
ونرفع يدينا للسما
ونشرب م المطر أكثر ...
وأشربك ...فيني
وأعاهدك
ما تغادرني
إلا على موتي
وطلوع الروح!
- تجي ...نغتال ف بكره
الهموم؟
تجي نخمن..مع بعض ... أشكال الغيوم؟
هذا أرنب وهذا حوت ..
تجي ..
ندفن الدمعة ...ونصنع للحزن تابوت ؟
و ...نعمر بالأمل بكره ...
ونبني بالياسمين ..ب ي وت !
- تجي نمسح من ..بكره
مصطلح "أحزان" ؟
و نشعل ..شموع بنكهة الروز ...
و الفيروز..
والرمان ؟
تجي ...نتعاهد على الإخلاص ..
ونمشى باقي العمر ...ف النور ..
و ننسى الخوف من بكره ..
ونتوكل ..
على الرحمن ....!
العنقاء
نشرت في جريدة فتون
بعدها الدنيا بخير !
بعدها الدنيا بخير
دام باقي فينا ..عطف
ودامنا
نبكي إذا شفنا فقير
دام فينا
من يقوم الليل ..
يبكي
ع سجادة صلاته
يرجو للذنب تكفير
ودام فينا من
يخاف الظلم ..
ويعتذر لو حصل تقصير !
بعدها الدنيا بخير
دام فينا من
يعطف على أمه وأبوه
يجازيهم ..عطف
مثل ما ربوه
وهو بالدنيا صغير
ودام فينا
من يرسم البسمة لكل الكون
حوله
يخبي عن عيون الكل ضعفه
وداخله... يبكي كسير !
بعدها الدنيا بخير
دام باقي فينا واحد
ما همه "الفلوس"
ولا عايش على "التقتير"
ودام في
المليون واحد..
بالفعل إنسان
يربط على فقره حجر
يشتغل ..صبح وظهر
ولا يمد اليد ولا يسألك
إحسان
العنقاء
نشرت في جريدة فتون العمانية
أمنيـــــــــــــــــات
ما طلبت الكون ولا أطقم ذهب
والماس ...
ولا حلمت بصيف ف النمسا ولا باريس
ما طلبت "مور" ولا سايق ولا حراس
ما طلبت ...
لبن عصفور...
ولا لولو من ...البحرين ...ولا ...
أسهم محمية من الإفلاس ...
أبا إنسان ... يكون مجنوني
رصيده ...يعادل حنان الكون ...
وأخلاقه بلا مقياس ...
أبيه
يكون ...ف الشده ...عزيز النفس
كريم اليد .. غني الروح
شديد الباس
ماجا ف بالي ...تبني لي ...
قصر ف هولندا ... وسط حقل زنبق...
وتكتبه باسمي ...
ولا ترسم لي لوحة ...تأبدني ...
وتهواني ..
وتعشقني قلوب الناس ...من رسمي
ماجا ف بالي املك مثل عرش بلقيس ولا بساط الريح
بغيت إنسان
يعفيني من التجريح
ألاقي وطن ف
دفا عيونه....
و إذا الأيام ...شانت ..
يسندني...وإذا ..
أدمعت عيني ... يمسح
دمعتي
قبل لاطيح
ما طلبت خاتم من عقيق...ولا زمرد
ولا أساور من ذهب....
أبا أساور ياسمين..
أبا ...
إنسان ...ما يفوته فرض..
متواضع
يحني ...لخالقه ...الجبين ...
العنقاء
نشرت في جريدة فتون
الاشتراك في:
الرسائل (Atom)
بين الأرواح
-
صباحك نكهة الماضي ! لوحات صباحية بريشة : العنقاء صباح الخير والرحمة صباحك دنيا من الأشواق مزدحمة صباح الشاهي و الزعتر صباحك نكهة المرم... -
ما كنك نسيت قبل لا تروح تنهيني! ماكنك نسيت قبل لا تروح تنهيني وتمحيني من الدنيا وتكتبني فعل ماضي؟؟ ما كنك نسيت تخبرني قبل لا تروح وش أسو... -
وش أجاوب قلب أمي ....! وش أجاوب قلب أمي ..لو سألني ليش متغير هالفتره لوني ؟ ليش ...صرت ...غارقة ف وحدتي ... وليش وسط سوالفهم ..بالجسد بس... -
ومر العمر وتجعد وجه الانتظار وصارت شرايينه تعب وصار نومه بالغصب وعكازه ذكريات وما بقى غير الصبر ! واحتضر نبض الصباح وصار الليل ليل أكثر... -
أحلام صغيرة كبيرة جدا احلم إني أنا وياك نجمتين صغار لنا نفس ألوان الشعاع ونفس التناهيد الصغيرة لنا نفس الهموم لنا نفس المساحة في السم... -
أسئلة بعد الفراق شهرين ونكمل سنه على ذكرى الفراق من سكن بعدي ضلوعك ؟ من مسح ..عنك دموعك؟ من كتب لك ..على حزن الغيوم? من ..جمع لك ..من الظ... -
رجعت ..الحين للأسف..يا صاحبي فات الأوان.. أبشرك قلبي كبر ... وصار متمرد على الأحزان المعذرة ... طويت ...صفحتك ... و ...حرقتها .. ما عا... -
ما ضاقت الدنيا بدونك! - دنياي- اللي كان محورها عيونك ... تطمن .. بعد فرقاك ... ما ضاقت بدونك ..! تطمن..... ما ضاقت الدنيا بدونك ولا... -
خذني إلى باريس ! *كتبت في الطريق إلى مسقط 21-7-2010 *خذني إلى باريس عشان أوقف..على قمة برج ايفل وبعمق الروح اصرخ...وعلى الواقع المغرور بتم... -
بين الوعي والا وعي حسيت ...سكينك هنا تنحفر في أضلعي وتداعيت من طولي أنا واصرخ يا معين غير ربي من معي ؟؟ وبين الوعي والا وعي ... ترجي...
.
