العنقاء
ماجا ف بالي ...تبني لي ...
قصر ف هولندا ... وسط حقل زنبق...
وتكتبه باسمي ...
ولا ترسم لي لوحة ...تأبدني ...
وتهواني ..
وتعشقني قلوب الناس ...من رسمي
ماجا ف بالي املك مثل عرش بلقيس
ولا بساط الريح
بغيت إنسان ..يعفيني من التجريح
ألاقي وطن ف دفا عيونه....
و إذا الأيام ...شانت ..
يسندني...وإذا ..
أدمعت عيني ... يمسح
دمعتي
قبل لاطيح!
العنقاء
نشرت في جريدة فتون
تجي
تحت المطر نلعب
نجي... ونروح
نجي ونروح
نرسم قبل لا يجف ..الطين
حرفين وقلب مجروح
ونرفع يدينا للسما
ونشرب م المطر أكثر ...
وأشربك ...فيني
وأعاهدك
ما تغادرني
إلا على موتي
وطلوع الروح!
العنقاء
نشرت في جريدة فتون
عادي ...
إذا احد"ن" رفض قلبي
بقول..عسى في الهجر
لي خيره
و إذا احد"ن" جرح قلبي
أقول ..عسى ف الدمع
مسح للذنب وتكفيره
و إذا احد"ن" ....طعن قلبي
أقول أكيد
ما أنا أول شخص
انجرح قلبه
و مات و ممتلى حيره
وإذا احد"ن"... ذبح قلبي
أقول
أكيد
بكره ألاقي وطن ف قلب غيره..!
العنقاء
شهادة وفاة حلم !
بختصر على حلمي
تفاهات السنين
وبسدد الطعنه هنا
ف جنبه اليمين
وبغرز السكين
أكثر للضلوع
خلها توصل
إلى حد العظام
واسمع الشهقات منه
تناديني ..."حرام"
اسكت ..يا حلمي
قتل بعض ..م الأحلام
رحمه للقلوب
ومينا للسلام !
تمدد ..على ضفاف الياس
يا حلمي غريق....
تحتضر..
تنتظر ..قشه أمل..افهم يا حلمي
كل قشه ..
صار لها فهالدنيا ثمن
وصارت
أغلى من ذهب
وصارت
لبعض الناس أشبه بالكفن
ولكن ..لو قست..
علينا متاهات الظروف
واختنق فينا الكلام..
وانمحت كل الحروف
تبقى مساحه واسعة
من عرض السما
إلى هذا التراب
اطلب المولى ستر ...
و تأكد ..إذا تصكر
ف الدنيا باب ..
انفتح غيره ألوف
آخر النزف :
الله الغنى عن كل هالناس
ومن يعزه الله
ما ذله بشر
لا فقير
لفقره اندفن تحت التراب
و لا جبار
وصل بظلمه
إلى حد القمر..!
العنقاء
نشرت في جريدة فتون
ساعات
ساعات أتجاهل حنيني
انفض الأحزان عني
اجمع زهر
انسي حلم في لحظه هجر
ادفن الآلام
اجفف الأحلام
والصقها ف دفتر
واخبيها تحت راسي وأنام
وساعات
أموت من فرط همي
وتحترق عيني سهاد
أتسائل كيف اخفي هالشقا
عن عين أمي ؟
وساعات ...أكرهك للروح
واقسم لو تجيني
ينتقم منك كثير
وبتمتلي مني جروح
وبشربك كاس الألم
وبفديك من شعر راسك للقدم
وببكي على ضعفي الكبير
وبحبك رغم ظلمك للأخير
وساعات ..من ياسي
ارفع يديني للسما ..يا ربي
ساعدني على النسيان
يا ربي مثل ما باعني برخيص
صبرني على بعده
وجمد دمعة الأجفان..
العنقاء
نشرت في جريدة فتون
لنا رب كريم
لو ضاقت سنه
الله يفرجها سنين
بعض الألم ...يقوى صاحبه
وبعض الألم
يتركك مثل السجين
ولو ضاقت كثير
و صار وقتك..شاحب ..
والأمل ف داخلك
يتعكز ...كسير
ارفع يدينك للسما
وابتسم
وقول :
لنا رب كريم !
لو ضاقت سنه
ربك يفرجها سنين
والدنيا تجارب
يوم دربك سهل واضح
ويوم ...دربك
مليان بعقارب
ولو فقدت النور .وعشان تعيش
شفت نفسك ف الدنيا
تحارب
اصبر ...
وابتسم ..وارفع يدينك للسما
وقول :
لنا رب كريم !
ولو شفت اقرب الأقراب من قلبك
يخون
وانكسر ظهرك من زود العنا
وامتلأ
قلبك طعون
هونها تهون
كل شئ الله كاتبه
ف الدنيا يكون
بس ...ارفع يدينك للسما
وقول : لنا رب كريم !
لو انظلمت
على يد اغلي البشر
وشفت اللي ..سكنته بقلبك
يحملك ..ضيم وقهر
ما يفيد ..ف دنيتك
غير الصبر
اصبر وابتسم ..وارفع يدينك للسما
وأسال الله..
حسن الخاتمة
و انه يحمي قلبك
من شر النفوس الظالمة
وقول ...لنا رب كريم!
العنقاء
نشرت في جريدة فتون
ما ضاقت الدنيا بدونك!
- دنياي- اللي كان محورها عيونك ...
تطمن ..
بعد فرقاك ...
ما ضاقت بدونك ..!
![]()
تطمن.....
ما ضاقت الدنيا بدونك
ولا نقص أوكسجين الكون
ولا توقف ..نبض الثواني
والناس بعدهم
ف الأرض .. يمشون ..
ما اختلف ف الدنيا شئ ..
و لا ماتت طيور من قسوة غصن ..
إلا قلبي ...
صار أضيق ..
بعد ما كان ..ف حبك
وطن!
تطمن ....
ما ضاقت الدنيا بدونك ..
كل شئ ..بالدنيا عادي ..
ما اختلف طعم ...السكاكر
ولا صار الورد..
لونه.. رمادي..
ما ارتفع سعر الذهب ...
ولا اختفى ..
الرماد
من عقب اللهب ..
ما أختلف ف الدنيا شئ ..
ولا فاح عطر الورد ...ف زحمة عفن
إلا قلبي ...
صار أصغر ..
بعد ما كان ف حبك وطن!
![]()
تطمن.....
ما ضاقت الدنيا بدونك ...
الشجر ..لازال يحيا
والشمس ...تغزل خيوط النور
القمر ...يسهر وحيد..
والمنارات الحزينة ...
تحتضن عبث البحور ....
ما أختلف ف الدنيا شئ
ولا عاف المحيط
ثرثرة بعض السفن ..
إلا قلبي ..
صار اصغر ..
بعد ما كان ف حبك وطن !
تطمن ....
ما ضاقت الدنيا بدونك ..
ولا ضاق الفضا بالناس ..
ولا انعدم ..نزف القلم
ولا انتهى من أرضنا.. ..قرطاس
تطمن .
ما اختلف ف الدنيا شئ ..
ولا توقف عن النبض الزمن
إلا قلبي ..
صار أضيق ...بعد ما كان
ف حبك وطن !
العنقاء
نشرت في جريدة فتون
الاشتراك في:
الرسائل (Atom)
بين الأرواح
-
صباحك نكهة الماضي ! لوحات صباحية بريشة : العنقاء صباح الخير والرحمة صباحك دنيا من الأشواق مزدحمة صباح الشاهي و الزعتر صباحك نكهة المرم... -
ما كنك نسيت قبل لا تروح تنهيني! ماكنك نسيت قبل لا تروح تنهيني وتمحيني من الدنيا وتكتبني فعل ماضي؟؟ ما كنك نسيت تخبرني قبل لا تروح وش أسو... -
وش أجاوب قلب أمي ....! وش أجاوب قلب أمي ..لو سألني ليش متغير هالفتره لوني ؟ ليش ...صرت ...غارقة ف وحدتي ... وليش وسط سوالفهم ..بالجسد بس... -
ومر العمر وتجعد وجه الانتظار وصارت شرايينه تعب وصار نومه بالغصب وعكازه ذكريات وما بقى غير الصبر ! واحتضر نبض الصباح وصار الليل ليل أكثر... -
أحلام صغيرة كبيرة جدا احلم إني أنا وياك نجمتين صغار لنا نفس ألوان الشعاع ونفس التناهيد الصغيرة لنا نفس الهموم لنا نفس المساحة في السم... -
أسئلة بعد الفراق شهرين ونكمل سنه على ذكرى الفراق من سكن بعدي ضلوعك ؟ من مسح ..عنك دموعك؟ من كتب لك ..على حزن الغيوم? من ..جمع لك ..من الظ... -
رجعت ..الحين للأسف..يا صاحبي فات الأوان.. أبشرك قلبي كبر ... وصار متمرد على الأحزان المعذرة ... طويت ...صفحتك ... و ...حرقتها .. ما عا... -
ما ضاقت الدنيا بدونك! - دنياي- اللي كان محورها عيونك ... تطمن .. بعد فرقاك ... ما ضاقت بدونك ..! تطمن..... ما ضاقت الدنيا بدونك ولا... -
خذني إلى باريس ! *كتبت في الطريق إلى مسقط 21-7-2010 *خذني إلى باريس عشان أوقف..على قمة برج ايفل وبعمق الروح اصرخ...وعلى الواقع المغرور بتم... -
بين الوعي والا وعي حسيت ...سكينك هنا تنحفر في أضلعي وتداعيت من طولي أنا واصرخ يا معين غير ربي من معي ؟؟ وبين الوعي والا وعي ... ترجي...
.
